बनभोज तथा विस्तारित

बनभोज तथा विस्तारित

यस संस्थाको बनभोज तथा विस्तारित मञ्च कार्यक्रम मिति २०७९ पौष ०९ गते शनिबार कवि शिरोमणि लेखनाथ पौडेलको जन्मस्थल पोखरा–२७ लेखनाथ अर्चलेमा सम्पन्न भएको छ । शिक्षा, तालिम तथा सूचना उपसमितिको आयोजनामा भएको उक्त कार्यक्रममा १४० जना शेयर सदस्यहरुको उपस्थिति रहेको थियो । कार्यक्रममा विभिन्न खेलकुद र सहकारी सम्बन्धी प्रश्न उत्तर गरी विजयी सहभागीहरुलाई पुरस्कारको समेत व्यवस्था गरिएको थियो । मनोरञ्जनको साथै सदस्यहरु बीच परिचय, चिनजान गरी सदस्यहरु र संस्थाबीचको सम्बन्धलाई प्रगाढ बनाउने उदेश्यले आयोजित कार्यक्रम संस्थाका अध्यक्ष श्री नव राज तिवारीज्यूको अध्यक्षतामा सम्पन्न गरिएको थियो । उक्त कार्यक्रममा भाग्यशली गोला प्रथाको माध्यमबाट शेयर सदस्य अस्मिता तामाङ्ग कुँवरले प्रमुख अथितिको आसन ग्रहण गर्नु भएको थियो भने संस्थाका बरिष्ठ व्यवस्थापक श्री वृहस्पति अधिकारीले संस्थाको गतिविधि, वित्तीय विवरण र संरक्षित पुँजी फिर्ता कोषको महत्वबारे जानकारी गराउनु भएको थियो । कार्यक्रममा संस्थाका उपाध्यक्ष श्री बुद्धिमान थापाले शुभकामना मन्तव्य राख्नु भएको थियो भने अध्यक्ष नव राज तिवारीले उत्साहजनक उपस्थितिका लागि सबैलाई धन्याबाद ज्ञापन गर्नु भएको थियो । प्रमुख अथिति अस्मिता तामाङ्ग कुँवरले आफ्ना भनाई राख्नु भएको उक्त कार्यक्रम संचालक सदस्य एंव शिक्षा, तालिम तथा सुचना उपसमिति संयोजक तिलक थापाले संचालन गर्नु भएको थियो । 

बनभोज कार्यक्रमलाई अझ बढी रोमाञ्चक बनाउन र सहभागीहरुलाई मनोरञ्जन प्रदान गर्नको लागि सहकारी सम्बन्धी र रमाईलो प्रश्नोत्तर, साना बच्चाहरुकोे बेलुन फुटाउने, बच्चाको म्युजिकल चियर, महिलाको म्युजिकल चियर, दम्पतीको बेलुन दौड र नृत्य जस्ता मनोरञ्जनात्मक प्रतियोगिता गरी हरेक प्रतियोगितामा प्रथम, द्धितिय र तृतीय हुन सफल सहभागीहरुलाई पुरस्कारको व्यवस्था गरिएको थियो । बच्चाहरुको बेलुन फुटाउनेमा सास्वत कुँवर प्रथम, सक्षम थापा भुजेल दोस्रो  र रियान कुँवर तेस्रो हुन सफल भएका थिए । बच्चाको म्युजिकल चियर दिव्या गिरी प्रथम, करिना राना दोस्रो र रिया सेन तेस्रो हुन सफल भएका थिए । महिलाको म्युजिकल चियर अन्तर्गत प्रमिला बराल प्रथम, अन्जली थापा दास्रो र सिमा गिरी तेस्रो हुन सफल हुुन भएको थियो ।  दम्पतीको बेलुन दौडमा नव राज तिवारी र निल कुमारी बराल, कुमार राना र रुममाया राना, वृहस्पति अधिकारी र पद्मा देवी बराल क्रमश प्रथम, दोस्रो र तेस्रो हुन सफल हुन भएको थियो । त्यसैगरी नृत्य तर्फ माया कुँवर, राधा कुँवर, विकल्प कुँवर र पद्मा देवी बराल उत्कृष्ट भई पुरस्कार प्राप्त गर्नु भएको थियो भने कार्यक्रममा सहभागी जेष्ठ शेयर सदस्यहरुलाई सम्मान स्वरुप मायाको चिनो प्रदान गरिएको थियो ।