Chairman's Message

अध्यक्षको सन्देश

समाजमा छिरल्लिएर रहेका स–साना पुँजीहरुलाई एकत्रित गरी बचत गर्ने संस्कारको विकास गर्दै सदस्यहरुको आर्थिक, सामाजिक र साँस्कृतिक उत्थान गर्नु र सामाजिक उत्तरदायित्व बहनका साथ शेयर सदस्यहरुको हितलाई सर्वोपरी मानेर सामाजिक कार्यहरुमा लाग्नु नै सहकारीको मूल मर्म हो ।

यही मर्मलाई आत्मसाथ गर्दै वि.सं. २०६१ साल जेठ २ गते स्थापना भई २०६४ साल चैत्र २१ गते विधिवत रुपमा संस्था दर्ता भई निरन्तर रुपमा कार्य सञ्चालन हुँदै आइरहेकोमा वि.स.२०७५ चैञ २३ गते संगम बचत तथा क्रण सहकारी संस्था लि. र सुगम बचत तथा क्रण सहकारी संस्था लि. एकिकृत भइ एउटै नामवाट संस्था सञ्चालन गरी संगम बचत तथा क्रण सहकारी संस्था लि. को नामबाट कारोवार भई आजका दिनसम्म आईपुग्दा कास्की जिल्लाको एउटा उत्कृष्ट संस्थाको रुपमा स्थापित हुनु हामी सबैको लागि गर्वको कुरा हो । यस अर्थमा संस्थाका संस्थापकहरुदेखि लिएर विभिन्न समयमा नेतृत्व लिनुहुने पूर्व अध्यक्षज्यूहरु, अग्रज सञ्चालकज्यूहरु, सल्लाहकारज्यूहरु र सम्पूर्ण शेयरधनी महानुभावहरु तथा कर्मचारीज्यूहरु धन्यवादको पात्र हुनुहुन्छ ।

संस्थालाई थप दर्विलो र गर्विलो बनाउनका लागि यहाँहरु सम्पूर्णबाट हालसम्म प्राप्त सल्लाह, सुझाव र सहयोगमा लागि हार्दिक धन्यवाद एवम् आभार व्यक्त गर्न चाहन्छु । साथै संस्थालाई यो स्थानमा पु¥याउने विशेष भूमिकाको लागि नेफ्स्कून परिवारप्रति समेत कृतज्ञता ज्ञापन गर्दै आउँदा दिनमा सबैको अझबढी साथ, सहयोग, सल्लाह र सुझावको अपेक्षा गर्दछु । यस संस्थालाई नीति, विधि र प्रविधिमा आधारित सुशासनयुक्त संस्थाको रुपमा अगाडि बढाउन हामी प्रतिबद्ध छौं । सामुहिक प्रयत्नबाट संस्थालाई सफलताको थप शिखरमा पु¥याउन सकिने कुरामा हामी विश्वस्त छौं । संस्थाको श्रीबृद्धिका लागि तन, मन, बचन र कर्मले लागौं भन्दै सम्पूर्णमा हार्दिक शुभकामना सहित यो प्रतिवद्धता व्यक्त गर्न चाहन्छु । जय सहकारी ।।

नब राज तिवारी
अध्यक्ष