संगम बनभोज तथा विस्तारित मञ्च कार्यक्रम

संगम बनभोज तथा विस्तारित मञ्च कार्यक्रम

मिति २०७८ फागुन १४ गते शनिबार यस संस्थाको बनभोज तथा विस्तारित मञ्च कार्यक्रम पोखरा–१७ दोविल्लामा सम्पन्न भएको छ । शिक्षा, तालिम तथा सूचना उपसमिति र महिला सशक्तिकरण उपसमितिको संयुक्त आयोजनामा भएको उक्त कार्यक्रममा १५७ जना शेयर सदस्यहरुको उपस्थिति रहेको थियो । कार्यक्रममा विभिन्न खेलकुद र सहकारी सम्बन्धी प्रश्न उत्तर गरी विजयी सहभागीहरुलाई पुरस्कारको समेत व्यवस्था गरिएको थियो । मनोरञ्जनको साथै सदस्यहरु बीच परिचय, चिनजान गरी सदस्यहरु र संस्थाबीचको सम्बन्धलाई प्रगाढ बनाउने उदेश्यले आयोजित सो अवसरमा संस्थाका अध्यक्ष श्री निरज थापा ज्यूको अध्यक्षतामा विस्तारित मञ्च कार्यक्रम पनि गरिएको  थियो । संस्थाका बरिष्ठ व्यवस्थापक श्री वृहस्पति अधिकारीले संस्थाको गतिविधि र वित्तीय विवरणको जानकारी गराउनु भएको थियो भने संस्थाको आर्थिक कारोबार र पोखरा–४, पालिखेचोक स्थित सुगम सेवा केन्द्रलाई अझबढी चलयमान बनाउन के के गर्न सकिन्छ भन्ने विषयमा सदस्यहरुसँग अन्तरक्रिया गरी राय सुझाव लिईएको थियो । अध्यक्ष निरज थापाले आफ्नो भनाई राख्दै म र मेरो साथी संगममा सँगसँगै भन्ने नारालाई अझ बढी प्रभावकारी बनाउन परिवारका अन्य सदस्य, नातेदार, छिमेकी र साथीभाईलाई संस्थाको सदस्य बनाउन आग्रह सहित संस्थाको कारोबारलाई बृद्धि गर्नको लागि बचत, ऋण र बिप्रेषण लगायतका कारोबार संस्थामा नै गर्न अनुरोध गर्नु भएको थियो । 

प्रत्येक वर्ष आयोजना हुने कार्यक्रममा शेयर सदस्यहरुको उत्साहजनक उपस्थिति रहेको हुँदा आपसी भेटघाटले सद्भावपूर्ण सम्बन्धको विस्तार भई सदस्यहरुमा संस्थाप्रति सकारात्मक सोचको विकास गर्न मद्धत पु¥याएकोले कार्यक्रम उपलब्धीमुलक रहेको थियो । सहभागी शेयर सदस्यहरु र कार्यक्रम सफल पार्न सहजिकरण गर्ने सम्पूर्णलाई धन्यबाद दिदै कार्यक्रम संचालक शिक्षा, तालिम तथा सूचना उपसमितिका संयोजक तिलक थापाले कार्यक्रम समापन गर्नु भएको थियो ।