संगम साकोसको १९ औं स्थापना दिवस

संगम साकोसको १९ औं स्थापना दिवस

यस संगम साकोसको १९औं स्थापना दिवस तथा विस्तारित मञ्च कार्यक्रम यही मिति २०७९ जेठ ०२ गते सोमबार सम्पन्न भएको छ । अध्यक्ष निरज थापा, उपाध्यक्ष तथा कार्यक्रम संयोजक नवराज तिवारी, लेखा सुपरिवेक्षण समिति संयोजक भोविन्द्र गिरी, सल्लाहकार संयोजक कृष्ण प्रसाद ढकालले संयुक्त रुपमा ब्यानरमा हस्ताक्षर गिरी कार्यक्रमको शुभारम्भ गर्नु भएको थियो । त्यसैगरी संचालक तथा महिला सशक्तिकरण उपसमिति संयोजक विष्णु कुमारी थापाले सहकारीका सात सिद्धान्त पाठ गर्नु भएको थियो भने उपाध्यक्ष तथा कार्यक्रम संयोजक नवराज तिवारीले शुभकामना मन्तव्य राख्नु भएको थियो । सो अवसरमा विभिन्न विधामा योगदान पु¥याउने सदस्यहरुलाई सम्मान गरिएको थियो । यस पटक दिर्घकालिन बचततर्फ तरक बहादुर के.सी., दैनिक बचततर्फ केशरी लम्साल सिग्देल, जेष्ठ सदस्य बचततर्फ झग बहादुर थापा, बाल बचततर्फ बिशेष उज्जार सम्मानित भए । त्यसैगरी ऋण कारोबारतर्फ सुनमती गुरुङ्ग, सुझावकर्ता तर्फ सरस्वती अधिकारी, सञ्चालकबाट लेखा सुपरिवेक्षण संयोजक भोविन्द्र गिरी, उपसमितिबाट भरत बहादुर थापा र कर्मचारीबाट लिला कुमारी कार्की पौडेल सम्मानित भएका छन् । साथै नयाँ वर्षको शुरुवतसँगै संस्थाले संञ्चालनमा ल्याएको मोबाईल बैकिङ एपको प्रयोग विधि र सेवाको बारेमा ग्रेकोड टेक्नोलोजिका प्रोजेक्ट म्यानेजर सुशिल सापकोटाले जानकारी गराउनु भएको थियो । 

कार्यक्रममा सम्मानितको तर्फबाट भोविन्द्र गरी, सरस्वती अधिकारी र सिरमाया श्रेष्ठले मन्तव्य राख्नु भएको थियो भने सल्लाहकार संयोजक कृष्ण प्रसाद ढकालले संरक्षित पुँजी फिर्ता कोषबारे प्रकाश पार्नु भएको थियो । अध्यक्ष निरज थापाले अझै पनि सहकारी क्षेत्रमा अवसर र चुनौती थपिदै गएकाले निकै सुझबुझका साथ अघि बढ्नुपर्ने बताउनु भयो । सहकारी स्थापनादेखि अहिलेसम्म योगदान दिने सबैप्रति आभार प्रकट गर्दै शुभकामना सहित समापन भएको कार्यक्रम संस्थाका सचिव धनराज पुरीले संचालन गर्नु भएको थियो ।